Kompensimet financiare, VKM: 437.6 milionë lekë për pronarët e pasurive të paluajtshme të 9 zonave

Këshilli i Ministrave ka vendosur një tjetër kompensim financiar për pronarët e pasurive të paluajtshme që preken nga ndërtimet informale.

“Kompensimin financiar të pronarëve të pasurive të paluajtshme, pronë private, për sipërfaqet takuese, të zëna nga ndërtimet informale në drejtoritë vendore të Agjencisë Shtetërore të Kadastrës Elbasan, Vlorë, Tiranë Jug, Kamzë-Vorë, Rurale 1, Tiranë Veri, Sarandë, Kukës e Durrës” shkruhet në vendimin e miratuar.

Vlera e përgjithshme e kompensimit financiar është 437.694.687 lekë, për një hapësirë totale 32.006 metër katror. Vendimi do të hyjë në fuqi menjëherë pas botimit në Fletoren Zyrtare.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.