Kompensimi i pronave, ATP nis vlerësimin për vendimet ‘96-’97. Pas publikimit të faturës, pronarët kanë të drejtë të aplikojnë
Pas përfundimit të vlerësimit financiar për vendimet e dhëna në ’95, Agjencia e Trajtimit të Pronave ka nxituar të marrë në shqyrtim dosjet e dy viteve pasuese, raporton Gazeta Panorama.
Do të duhen vetëm pak muaj, që pronarët me vendime të viteve ’96 dhe ’97 të njihen me masën e përfitimit, e cila u jep mundësinë të aplikojnë për të përfituar me një nga skemat e kompensimit.
Ligji i ri përcakton një afat 3-vjecar për këto dosje , çka do të thotë se ATP ka detyrimin për të dalë më një faturë për 26 mijë vendimet e formës së prerë deri në 2019, kohë kur skadon edhe afati ligjor.
Ende nuk mund të thuhet me siguri se sa është numri i vendimeve që i takojnë periudhës ’96-’97, por nga të dhënat paraprake mësohet se bëhet fjalë për më shumë se 5 mijë familje, duke marrë këtu në konsideratë faktin që pjesa dërrmuese e vendimeve janë dhënë në harkun ’93-’98.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.