Kompensohen pronarët e tokave të prekura nga projekti TAP – 15,8 milionë lekë për përfituesit. Shpallet lista emeërore

Në fletoren zyrtare është publikuar lista për shpronsimin e pronave të prekura nga projekti i gazsjellësit TAP, të cilat janë prekur nga punimet për testimin me ujë të tubacionit, si dhe përfundimi i punimeve në zonat Berat, Skrapar, Fier, Devoll dhe Korçë.

Këshilli i Ministrave ka vendosur:

1. Shpronësimin, marrjen në përdorim të përkohshëm,  për  periudhën 6 (gjashtë) muaj, 1 (një) vit, 1 (një) vit e 6 (gjashtë) muaj, 2 (dy) vjet dhe 2 vjet e 6 (gjashtë) muaj, si dhe vendosjen e servitutit mbi  pasuritë e paluajtshme,  prone private, të cilat preken nga punimet për testimin me ujë të tubacionit, si dhe përfundimi i punimeve, pjesë e projektit të gazsjellësit Trans Adriatic Pipeline (projekti TAP), në zonat Berat, Skrapar, Fier, Devoll e Korçë.
2. Shpronësimi, marrja në përdorim të përkohshëm dhe vendosja e servitutit të përhershëm të kalimit mbi këto pasuri të bëhen në favor të shtetit, përfaqësuar nga Ministria e Infrastrukturës dhe Energjisë.
3. 3. Pronarët e pasurive të paluajtshme të kompensohen në vlerë të plotë, sipas masës së kompensimit përkatës të paraqitur në tabelën bashkëlidhur këtij vendimi, me një vlerë të përgjithshme prej 15 810  8  (pesëmbëdhjetë milionë  e  tetëqind  e  dhjetë  mijë  e  tetëqind  e njëzet e katër pikë tetë) lekësh, për sipërfaqet:

• -1 890 (një mijë e tetëqind e nëntëdhjetë) m²që shpronësohet;
• -293,197.62 (dyqind e nëntëdhjetë e tre mijë e njëqind e nëntëdhjetë e shtatë pikë gjashtëdhjetë e dy) m² që merret në përdorim të përkohshëm;
• – 3  157  (tre  mijë e njëqind e pesëdhjetë e shtatë) m² mbi të cilën vendoset servituti.

4. Marrja në përdorim të  përkohshëm  për pasuritë  e  paluajtshme,  pronë  private,  të  jetë  për periudhën 6 (gjashtë) muaj, 1 (një) vit, 1 (një) vit e 6 (gjashtë) muaj, 2 (dy) vjet dhe 2 (dy) vjet e 6 (gjashtë)   muaj   për   zonat   e   nevojshme   për testimin me ujë të tubacionit, si dhe përfundimin e   punimeve,   sipas   tabelës   bashkëlidhur   këtij vendimi.

5. Vlera e  përgjithshme,  prej  15  810  824.8 (pesëmbëdhjetë milionë e tetëqind e dhjetë mijë e tetëqind  e  njëzet  e  katër  pikë  tetë)  lekësh,  të përballohet nga shoqëria “TAP AG”, si subject kërkues i këtij shpronësimi.
6. Shpenzimet procedurale,  në  vlerën  50  000 (pesëdhjetë mijë)  lekë, të përballohen nga shoqëria “TAP AG”.
7. Shpronësimi të   fillojë   menjëherë   pas botimit  të  këtij  vendimi  në  “Fletoren  zyrtare” dhe  afati  i  përfundimit  të  shpronësimit  të  jetë brenda 3 (tre) muajve nga data e hyrjes në fuqi.
8. Pronarët e   pasqyruar   në   tabelën,   që   i bashkëlidhet këtij vendimi, të kompensohen, për efekt  të  shpronësimit,  marrjes  në  përdorim  të përkohshëm   dhe   vendosjes   së   servitutit   mbi pasuritë  e  pronarëve  të  përcaktuar  në  tabelën bashkëlidhur,  pas  dorëzimit  të  dokumentacionit të  pronësisë,  lëshuar  nga  Agjencia  Shtetërore  e Kadastrës,    drejtoritë    vendore    përkatëse,    të kërkesës,  të  kopjes  së  kartës  së  identitetit,  si  dhe të  vërtetimit  për  numrin  e  llogarisë,  lëshuar  nga bankat  përkatëse/IBAN-in,  në  zyrat  e  shoqërisë “TAP AG”.

9. Shoqëria “TAP  AG”  të  kryejë  likuidimet përkatëse,  sipas  përcaktimeve  të  bëra  në  këtë vendim.
10. Afati i fillimit dhe i përfundimit të punimeve të   jetë   në   përputhje   me   afatet   e parashikuara  në  kontratat  e  lidhura  nga  shoqëria “TAP AG” me sipërmarrësit e punimeve.

11. Me hyrjen në fuqi të këtij vendimi, Agjencia Shtetërore e Kadastrës, drejtoritë vendore, përkatësisht, Berat,    Skrapar,    Fier, Devoll   e   Korçë,   të   fillojnë   procedurat   për hedhjen  e  gjurmës  mbi  hartat  kadastrale,  sipas planimetrisë që do t’u vihet në dispozicion nga “TAP  AG”,  si  dhe  të  pezullojnë  të  gjitha transaksionet për pasuritë, sipas listës bashkëlidhur  këtij  vendimi,  deri  në  momentin kur të realizohet regjistrimi i pasurive   që shpronësohen, merren në përdorim të përkohshëm  e  mbi  të  cilat  vendoset  servituti  i kalimit në favor të shtetit.

12 Ngarkohen Ministria e Infrastrukturës dhe Energjisë,  shoqëria  “TAP  AG”,  Agjencia Shtetërore e Kadastrës, drejtoritë vendore, përkatësisht, Berat,   Skrapar,  Fier, Devoll e Korçë, për zbatimin e këtij vendimi. Ky vendim hyn në fuqi menjëherë  dhe botohet në  Fletoren Zyrtare.

Lista: https://qbz.gov.al/eli/fz/2021/19/1ec25d50-5ad3-4991-bb2f-a95a52dd61f1

Nebi Xhomaqi / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.