Koncesioni i mermerit në Vlorë – Tenderi përplas kompanitë me Ministrinë e Energjisë
Tenderi për koncesionin e gurores së mermerit në Brataj të Vlorës ka përplasur kompanitë pjesëmarrëse me Ministrinë e Energjisë dhe Komisionin e Prokurimit Publik.
Konsorciumi i renditur i dyti në tender, i përbërë nga kompanitë “Acuila Marble” dhe “Qato-01”, ka kërkuar pezullimin e marrëveshjes së shfrytëzimit dhe skualifikimin e grupit fitues.
Në padinë e depozituar në Gjykatën administrative konsorciumi I renditur I dyti pretendon se fituesi I tenderit nuk ploteson kriteret e kualifikimit ligjor,teknik dhe financiare te përcaktuara ne Ftesë për Ofertë.
Më 28 qershor, Komisioni i Prokurimit Publik vendosi të njohe fitues të tenderit për këtë gurore operatorët ekonomikë BO “Ston Mondial’shpk dhe”Ana-2013”shpk. Gurorja gjendet në Brataj të Vlorës dhe përmban gur gëlqeror të mermerizuar.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.