Koncesioni i rrugës Porti i Jahteve – Bypass Orikum – Dukat/ MIE shpall tenderin, 193.4 milionë lekë për grupin inxhinierik të pavarur

Ministria e Infrastrukturës dhe Energjetikës ka shpallur tenderin për shërbime inxhinierike të pavarura, për koncesionin e rrugës Porti i Jahteve – Bypass Orikum – Dukat (Ura e Shën Elizës).

Fondi i vënë në dispozicion është 193.4 milionë lekë dhe ekipi inxhinierik fitues do të kontraktohet për një afat kohor 2 vjeçar, sipas detajeve të tenderit.

Referuar të dhënave të tenderit, grupi inxhinierik i pavarur do të jetë përgjegjës për një sërë funksionesh, si auditimi, menaxhimi i cilësisë, operimi rrugor dhe mirëmbajtja, apo punimet kapitale.

Në vitin 2018, Ministria e Infrastrukturës dhe Energjetikës shpalli garën për dhënien me koncesion / PPP të projektit të rrugës së Portit të Jahteve – Orikum – Dukat, me një kosto koncesionare 50.5 milionë lekë, ku parashikohej një kontratë 13 vjeçare me koncesionarin fitues.

Jenida Vladi/ SCAN

Lexo edhe:

Rruga Porti i Jahteve-Orikum-Dukat, MIE hap garën për koncesionin PPP –Strategjike për zhvillimin e bregdetit

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.