Kondicionerët bëjnë më shumë se 100 vjeç – Ja pse ka ardhur koha për të ridizajnuar modelin e vjetër!

Çmimi Global i Ftohjes (Global Cooling Prize) po jep 1 milion dollarë për ridizajnimin më inovativ dhe të qëndrueshëm të njësisë së ajrit të kondicionuar, e cila nuk ka ndryshuar pothuajse fare në mbi 100 vjet.

Kjo është arsyeja pse një koalicion i ri – i udhëhequr nga qeveria e Indisë dhe Instituti Rocky Mountain i Amerikës (RMI), një organizatë jofitimprurëse e kërkimit mjedisor – ka nisur Global Cooling Prize, një konkurs prej 1 milion dollarësh për të hartuar gjeneratën e ardhshme të sistemeve të ftohjes së ajrit.

Çmimi Global i Ftohjes përcakton udhëzime specifike për pjesëmarrësit, të cilët kanë për detyrë të hartojnë një zgjidhje ftohëse me pesë herë më pak ndikim në klimë sesa ato të njohura sot, që do të thotë se ato mund të ndihmojnë në kundërveprimin me efektet mjedisore të rritjes së pritshme të kërkesës.

Për të lejuar këtë efikasitet të përmirësuar, modelet e propozuara u lejuan të jenë më të shtrenjta se kondicionerët aktualë (megjithëse jo më shumë se dy herë më shumë). “India do të jetë tregu më i madh për ftohje gjatë 30 viteve të ardhshme, duke shkuar nga nën 14 milion njësi kondicionimi sot në (gati) një miliard deri në 2050.

Ndërkohë një propozim nga Kraton, një kompani inxhinierike kimike Teksane, thjesht përdor ujë, duke eliminuar plotësisht komponentin mekanik kryesor të kondicionerëve, kompresorin, për ta bërë dizajnin më të shkallëzuar dhe të përballueshëm.

Sipas Xavier Moya nga Barocal dhe Universiteti i Kembrixhit, sfida kryesore është të bindë njerëzit të blejnë një kondicioner bazuar në performancën e tij dhe ndikimin e klimës, dhe jo vetëm çmimit të tij.

Gjatë shekullit të kaluar, shumica e investimeve në industri kanë lejuar në reduktimin e modeleve tradicionale, tha Vijay Mhetar, megjithëse modeli më i mirë në treg sot ka vetëm një efikasitet teorik – raporti midis nxehtësisë së hequr dhe energjisë së përdorur – prej 14 %. (CNN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.