Konferencë me sekretarin e NATO / Rama përshëndet linjën Kosovë-Serbi, shpjegon kërcënimet e Iranit ndaj Shqipërisë
Në konferencën e mbajtur në Bruksel midis Sekretarit të Përgjtihshëm të NATO-s, Johan Stonttelberg dhe kryeministrit Rama si kryetar i Prezencës së OSBE u përfolën shuëm tematika që lidheshin me çështjet e sigurisë në vendin tonë, por edhe në Europë.
Si fillim Sekretari Stontteleberg shprehu solidaritetin me tërmetin tragjik që goditi Shqipërinë në 26 nëntor, duke shprehur mbështetjen e plote të NATO-s.
Kryeministri, sa i përket rolit në OSBE foli rreth konfliktit në Ukrainë si prioritet kryesor të presidencës së vendit tonë. Rama shprehu edhe mirënjohjen për NATO-n dhe Europën si dy organet që kanë dhënë më shumë mbështetje në procesin e vendosjes së paqes për ketë rajon, duke kërkuar edhe shtimin e masave që të parandalohen përshkallëzimet e tjera.
Kryeministri Edi Rama ka komentuar më tej rivendosjen e linjës Prishtinë- Beograd si një hap të rëndësishëm dhe një falënderim për NATO-n për shkak të mbështetjes së saj.
“Falenderoj Stolenberg që keni qenë kaq shumë mbështetës për ne dhe në Rajon. Mbështetët për rivendosjen e linjës Prishtinë- Beograd që është një hap i rëndësishëm dhe duhet të ndiqet nga të tjerët. Duhet të ndiqet për procesin e zhvillimit rajonal dhe ndërshtetëror. E konsiderojmë NATO-n si një pjesë të rëndësishme në OSBE dhe faktor për ta bërë të suksesshëm në jetët tona.’’- u shpreh Rama.
Kryeministri foli gjithashtu edhe për kërcënimet e Teheranit ndaj Shqipërisë, pas vrasjes së gjeneralit iranian, Qassem Soleiman, nga ushtria amerikane:
“Shqipëria ka pranuar t’i japë strehë disa mijëra njerëzve, jeta e të cilëve është kërcënuar nga regjimi i Teheranit. Është pjesë e asaj çka ne jemi, e traditës sonë. Ne kemi qenë vendi i vetëm që pas Luftës së Dytë Botërore kishte më shumë hebrenj dhe vendi ynë ishte një shtëpi e sigurt për ta.
E kemi bërë edhe këtë gjë si një operacion humanitar. Ne nuk do ta ndryshojmë traditën dhe qasjen tonë kundrejt këtyre njerëzve. Sa për aktivitetet keqbërëse në Shqipëri, kemi dëbuar diplomatët dhe njerëz të tjerë, që janë jashtë aktivitetit të rregullt të pjesës diplomatike”, tha Rama.
Geri Kolgega / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.