Konsolidohet sistemi bankar – Sejko: Kreditë me probleme ranë në 11.1%, ulja e numrit të bankave rrit eficencën
Kreditë me probleme gjatë vitit 2018 arritën në 11.1%, duke u ulur me 2.2% në raport me një vit më parë”. Të dhënat u bënë me dije nga Guvernatori I Bankës së Shqipërisë, Gent Sejko gjatë shqyrtimit të raportit vjetor në seancën plenare, i cili shtoi se likuiditeti dhe kapitalizmi në sektorin bankar mbeten në nivele të kënaqshme.
Sejko foli dhe për uljen e numrit të bankave nga 16 në 12, çka sipas tij konsolidon sistemin bankar dhe do të rrisë eficencën në sektor dhe do të mbështesë politika novative kreditimi”.
Ndërkaq, sipas Guvernatorit pavarësisht treguesve pozitivë të rritjes ekonomike, gjatë vitit 2018, sfidat mbeten të mëdha, çka sipas tij kërkon angazhim nga të gjithë institucionet, duke kërkuar politika monetare dhe fiskale të orientuara drejt qëndrueshmërisë.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.