Konsujt e Nderit jo më mjete me targa diplomatike – Cakaj: Shkelje e ligjit, do të merren masat për daljen jashtë funksionit
Mjetet e Konsujve të Nderit nuk do të pajisen më me targa diplomatike. Njoftimin për heqjen e tyre e ka bërë të ditur ministri i Punëve të Jashtme, Gent Cakaj përmes një deklarate për media, duke shtuar se përdorimi i tyre është në shkelje me ligjin.
“38 konsuj nderi të Shqipërisë, përdorin një automjet me targa kombëtare dhe me një shenjë në shkelje të habitshme të këtij ligji janë plot 38 konsuj nderi, të pajisur me targa CD, të cilët hyjnë e dalin në vend si përfaqësues më të lartë diplomatikë. Ky privilegj është i pajustifikueshëm dhe duhet të marrë fund. Informoj të gjithë personat në fjalë do të fillojë menjëherë me kontaktimin e tyre, dhe do të dorëzojnë targat diplomatike. Në bashkëpunim me ministrinë e brendshme dhe atë të transportit, do të merren të gjitha masat që targat në fjalë të dalin jashtë funksionit”, u shpreh Cakaj.
Ndërkohë, ministri tha ndër të tjera se po punohet edhe për një tjetër nismë, atë për fuqizimin e pasaportës diplomatike shqiptare, duke shtuar se do të bëjë së shpejti publike rezultatet e kësaj nisme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.