Konsumi në Eurozonë – Rriten shitjet me pakicë, mbështesin ekonominë e bllokut
Volumi i shitjeve me pakicë në Eurozonë është rritur ndjeshëm në muajin Qershor, duke treguar se konsumi i fortë i brendshëm po mbështet rritjen ekonomike në bllokun e valutës së përbashkët. Eurostat raporton se shitjet u rritën me 0.5% në muajin Qershor me bazë vjetore, sipër projeksioneve prej 0.1%.
Me ngadalësimin e inflacionit në 1.3% në muajin Qershor, konsumatorët kanë rritur shpenzimet e tyre. Ekonomia e Eurozonës u rrit me 0.5% në tremujorin e parë dhe me 0.6% në të dytin.
Me bazë vjetore, shitjet u rritën me 3.1% në Qershor, duke treguar rritjen më të madhe për këtë vit. Shitjet e karburanteve u rritën me 1% në Qershor me bazë mujore. Shitjet e produkteve ushqimore, duhanit dhe pijeve u rritën me 0.7%, pas një rënie me 0.2% në Maj. Shitjet e mallrave jo të qëndrueshëm si veshjet u rritën me 1.4% për muajin, ndërsa për mobiliet dhe pajisjet elektrike pati një rritje me 1.3%.
Mallrat farmaceutikë ishin komponenti i vetëm që tregoi rënia për muajin. Ndër ekonomitë më të mëdha të Eurozonës, shitjet u rritën me 1.1% në Gjermani, një normë dy herë më e madhe se e muajit të kaluar. Franca ishte ndër të vetmet ekonomi që regjistroi një rënie për muajin.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.