Konsumuam 14 mijë ton qumësht-Ulet ndjeshëm rendimenti i prodhimit nga të imtat

Qytetarët shqiptarë kanë konsumuar 14 mijë ton qumësht gjatë vitit që lam pas, në rritje prej  7.26 për qind në  krahasim me 2017-ë.   Sipas të dhënave të INSTAT, në vitin 2018, sasia e qumështit të grumbulluar është rreth 139 mijë ton, duke shënuar rritje me 5,87 %, krahasuar me vitin 2017.

Gjatë kësaj periudhe, sasia e qumështit të lopës të grumbulluar është rreth 120 mijë ton, duke shënuar një rritje me 10,0 %. Ndërsa nga ana tjetër, në vitin 2018, sasia e grumbulluar e qumështit të deles është rreth 12 mijë ton, duke shënuar një rënie me 10,52 %, krahasuar me një vit më parë.

Sasia e grumbulluar e qumështit nga dhitë është rreth 6 mijë ton, duke shënuar një rënie me 22,95 %, krahasuar me vitin 2017. Sa i përket nënprodukteve të qumështit, sasia e prodhuar e djathit pësoi një rënie me 0,9 %, krahasuar me një vit më parë, ndërsa sasia e prodhuar e gjalpit shënoi një rritje me 3,22 %.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.