Kontrabandë e mallrave me akcizë, finalizohet operacioni “Kamuflimi”. Në pranga dy persona, një në kërkim

Seksioni për Krimin Ekonomik dhe Financiar në bashkëpunim me Prokurorinë e Rrethit Gjyqësor Tiranë, kanë finalizuar  operacionin e  koduar “Kamuflimi” duke vënë në pranga dy shtetas dhe një tjetër të shpallur në kërkim .

Arrestimi i tyre  u bë pasi në bashkëpunim me njëri-tjetrin kryenin aktivitetin e kundra ligjshëm që bënë fjalë për  disa vepra veprat penale si: “Kontrabanda me mallra që paguhet akcizë”, “Kontrabanda me mallra të tjera”,  “Ruajtja apo depozitimi i mallrave kontrabandë”, “Shkelja e të drejtave të pronësisë Industriale”, “Fshehja të ardhurave” dhe “Mospagimi i taksave dhe tatimeve”.

Këta shtetas, të cilët rezultonin  pa Nipt e pa u regjistruar në QKB, nën kamuflimin e bizneseve private si tregtar pakice, kanë mundur të fusin një sasi të konsiderueshme mallrash  të dyshuara  kontrabandë.

Policia  bëri të mundur sekuestrimin e mallrave mes të cilave edhe   një automjet dhe  aparate celularë.   Ndërkohë që materialet i kaluan Prokurorisë pranë Gjykatës së Shkallës së Parë, Tiranë,  për veprime të mëtejshme.

Nertila Doko / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.