Kontrabandë ilaçesh – Policia sekuestron 209 pako me medikamente dhe procedon penalisht 2 shtetas

Policia Kufitare në Portin e Vlorës, në kuadër të masave të shtuara për goditjen e paligjshmërisë, bën me dije se ka parandaluar dhe goditur një tjetër rast të kontrabandës me mallra për të cilat paguhet akcizë.

Shërbimet e Policisë Kufitare në Portin e Vlorës, në dalje kanë kaluar për kontroll të imtësishëm në vijën e dytë, autobusin me drejtues shtetasit A. M., 45 vjeç dhe M. P., 29 vjeç, banues në Fier (të cilët e drejtonin autobusin me turne) ku sipas njoftimit në pjesën fundore të kabinës së mjetit u konstatuan të fshehura 209 pako me medikamente të markave të ndryshme, të cilat u sekuestruan në cilësinë e provës materiale.

Policia njofton se në vendngjarje kanë mbërritur specialistët për Hetimin e Krimit Ekonomik e Financiar në DVP Vlorë, të cilët, në përfundim të veprimeve kanë proceduar penalisht shtetasit A. M. dhe M. P., për veprën penale “Kontrabanda me mallra që paguhet akcizë”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.