Kontrabandë me naftë/ Arrestohen 3 shtetas dhe sekuestrohen mbi 800 litra lëndë djegëse!

Policia e Shtetit njofton në vijim të punës dhe goditjeve të njëpasnjëshme për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, nga seksioni për hetimin e  Krimit Ekonomik dhe Financiar, u finalizua operacioni policor i koduar “Evazioni”, në kuadër të të cilit u bë arrestimi i shtetasve: A. C., 54 vjeç,  banues  në Njësia Administrative Kostriot, Bashkia Dibër,, administrator i një  subjekti privat, me  fushë të veprimtarisë në transport udhëtarësh; I. M., 36 vjeç, banues në  Njësia Administrative Kastriot, Bashkia Dibër, menaxher i subjektit; A. L., 32 vjeç,  banues në Peshkopi, Bashkia Dibër, me punë shofer në subjektin privat.

Sipas njoftimit nga veprimet hetimore të kryera ka rezultuar se këta shtetas kishin  instaluar dy serbatorë  për naftë  në një automjet në përdorim të këtij subjekti dhe në mënyrë të vazhdueshme e sistematike merrnin lëndë djegëse (gazoil), në Dibër të Madhe  dhe më pas e depozitonin në një  depozitë nafte në afërsi të ambienteve tregtare të subjektit të tyre.

Policia bën me dije se ky subjekt  duke qenë se disponon mjete të transportit të udhëtarëve nëpërmjet kësaj skeme dyshohet se kryenin kontrabandë me mallra për të cilat paguhet akcizë dhe evazion fiskal duke shmangur detyrimet doganore të hidrokarbureve nga pika e kalimit kufitar Bllatë ku më pas u furnizonin mjetet e transportit si dhe në ambientet e magazinës së këtij subjekti u gjet një depozitë e mbushur me lëndë djegëse (gazoil)  në sasinë rreth 800 litra e dyshuar se është grumbulluar  nga veprimtaria kriminale e kontrabandës së kryer nga personat e mësipërm.

Sipas informacionit gjatë kontrollit të ambienteve  të subjektit janë konstatuar dhe sekuestruar 10 Aparate transmetimi  sinjali televiziv(Android Tv), 13 Router interneti, kuti medikamentesh, artikuj të ndryshme kancelarie, pa dokumentacionin shoqërues, si dhe automjeti  në të cilin ishin të instaluar dy serbatorë të mbushura me naftë gjithsej 145 litra.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.