Kontrolle në biznese dhe në të gjitha nivelet e sistemit arsimor – AKU vendos 14 masa administrative në të gjithë vendin
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 285 inspektime dhe kontrolle në të gjithë vendin edhe si pjesë e Task-Forcës Anti-Covid si dhe vijon monitorimet në të gjitha bizneset, por edhe në të gjitha nivelet e sistemit arsimor, në zbatim të protokolleve të sigurisë anti-covid.
Sipas AKU gjatë inspektimeve janë dhënë 14 masa me paralajmërim në biznese ushqimore, për mungesë të rinovimit të librezave shëndetësore, sistemim të ambienteve të prodhimit, rinovim të analizave të ujit etj.
Ndërkaq sipas njoftimit referuar Planit të Marrjes së Mostrave u morën 28 mostra kryesisht në monitorim të qumështit por edhe në fruta-perime për analizim të mbetjeve pesticide.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.