Konviktet e Tiranës strehojnë 7% të studentëve! – Qëndresa Qytetare: 30 muaj nga premtimi, asnjë tullë për kampusin universitar
Nevoja e lartë për konvikte nuk i përgjigjet investimeve për to nga qeveria, e cila 30 muaj pas premtimit publik, nuk ka nisur ende ndërtimin e kampusit universitar në Qytetin Studenti”. Qëndresa Qytetare prezantoi raportin me të dhëna mbi situatën financiare të studentëve, ndërkohë që sipas përfaqësuesve të kësaj organizate, drejtoritë e Konvikteve në Tiranë akomodojnë vetëm 7 % të totalit të studentëve që studiojnë në kryeqytet.
“Nga 78 500 studentë, vetëm 5549 prej tyre mund të sigurojnë një shtrat në konvikt. Largimi i studentëve nga Fresku në Astir për shkaqe ekonomike dëmton procesin e tyre studimor dhe rëndon situatën e tyre financiare. Shtëpia e studentëve është konvikti dhe këtë duhet ta siguroijnë vendimmarrësit që mburren cdo vit për buxhetin e arsimit”.
Ndërkaq, sipas sondazhit të realizuar me 775 studentë, nga 5 universitetet të Tiranës, rezultoi se ushqimi dhe akomodimi zënë peshën më ta lartë të kostove studentore në kryeqytet, deri në masën 63.6%e totalit.
Qëndresa Qytetare ironizoi mungesën e investimeve në arsimin e lartë, duke ndarë pako me dëshira për ndërtimin e kampusit, bibliotekave apo dhomave moderne duke nxitur edhe studentët drejt kërkimit të llogarisë ndaj politikanëve që ua premtojnë ato çdo vit
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.