Korea e Veriut vijon ‘provokimet’ ndaj SHBA – Lëshon sërish raketa me rreze të shkurtër!
Korea e Veriut lëshoi dy raketa balistike të dyshuara në det të hënën në lëshimin e saj të katërt të armëve këtë muaj, tha ushtria e Koresë së Jugut, me qëllimin e dukshëm për të demonstruar fuqinë e saj ushtarake mes diplomacisë së ndërprerë me Shtetet e Bashkuara dhe mbylljes së kufijve prej pandemisë.
Shefat e Shtabit të Përbashkët të Koresë së Jugut thanë se Veriu ka të ngjarë të lëshojë dy raketa balistike me rreze të shkurtër veprimi nga një zonë në Sunan, vendndodhja e aeroportit ndërkombëtar të Phenianit. Raketat u lëshuan me katër minuta diferencë mes njëra-tjetrës në mëngjesin e së hënës dhe fluturuan rreth 380 kilometra në një lartësi maksimale prej 42 kilometrash përpara se të zbarkonin në ujërat jashtë bregut verilindor të vendit.
Komanda e SHBA-së Indo-Paqësorit tha se raketat nuk përbënin një kërcënim të menjëhershëm për personelin ose territorin e SHBA-së, ose për aleatët e saj, por theksuan ndikimin destabilizues të programit të armëve “të paligjshme” të Veriut. Ministri japonez i Mbrojtjes Nobuo Kishi tha se raketat ranë jashtë zonës ekskluzive ekonomike të Japonisë dënoi veprimet e Koresë së Veriut si kërcënim për paqen.
Presidenti i Koresë së Jugut, Moon Jae-in, i cili po viziton Emiratet e Bashkuara Arabe, udhëzoi zyrtarët që të bëjnë “përpjekjet maksimale për të siguruar stabilitet” në Gadishullin Korean dhe anëtarët e Këshillit Presidencial të Sigurisë Kombëtare theksuan nevojën për të ringjallur diplomacinë bërthamore me Phenianin.
Koreja e Veriut kishte kryer teste fluturimi të një rakete të supozuar hipersonike më 5 dhe 11 janar dhe gjithashtu kishte testuar raketa balistike nga një tren të premten në një hakmarrje të dukshme ndaj sanksioneve të reja të vendosura nga administrata Biden javën e kaluar.për vazhdimin e saj.
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.