‘Korona-bondet’ / KE është i gatshëm për gjithçka që të ndihmohet ekonomia evropiane – Flasin drejtuesit kryesor

“Komisioni Evropian është gati të konsiderojë emetimin e borxhit të përbashkët në eurozonë për të ndihmuar bllokun të ruhet nga pasojat ekonomike të shpërthimit të koronavirusit”, tha presidentja Von der Leyen këtë të premte.

“Ne po shohim të gjitha instrumentet që mund të vihen në dispozicion dhe çfarëdo ndihme të jetë e nevojshme do të përdoret”, tha Ursula von der Leyen për radion gjermane Deutschlandfunk. “Kjo vlen edhe për coronabonds; nëse mendohet se ato ndihmojnë dhe nëse janë strukturuar saktë, ato do të përdoren”.

Kryeministri Giuseppe Conte i Italisë, aty ku tanimë është epiqendra e krizës globale, ka bërë thirrje për bono speciale koronavirus , ose një fond evropian garancie, për të ndihmuar shtetet e BE-së të financojnë shpenzimet shëndetësore dhe programet e shpëtimit ekonomik.

Von der Leyen tha: “E njëjta gjë vlen për rregullat e borxhit, ne jemi duke i hequr ato në mënyrë që shtetet të kenë çdo mundësi të përdorin të gjitha burimet financiare. Ne po shohim gjithçka, gjithçka që ndihmon në këtë krizë do të përdoret, sepse ne do të mbështesim ekonominë tonë pa asnjë mëdyshje. “

Komisioneri i Ekonomisë i BE, Paolo Gentiloni tha të premten se Mekanizmi Evropian i Stabilitetit (ESM), fondi i shpëtimit të eurozonës, ka pozitën më të mirë për të lëshuar koronabonds të nevojshme për të financuar masat emergjente.

“Obligacionet janë operacione të tregut dhe duhet të iniciohen nga strukturat financiare. Më i përshtatshmi është ESM, ”tha Gentiloni për RAI Radio 1.

Ai shtoi se ende nuk është marrë asnjë vendim, por se diskutimet duhet dhe po vazhdojnë.

D.B – SCAN

Burimi: Euractiv  https://www.euractiv.com/section/economy-jobs/news/eu-open-to-coronabonds-to-cushion-economic-fallout-von-der-leyen/?fbclid=IwAR3TtqTB8aF2OGZMIwE32JxdpydQMNvIFNrZq5UANMO1rRt4RpeAVPT_AZY

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.