Koronavirusi: Boeing do të shkurtojë 15,000 punonjës për shkak të goditjes së rëndë nga kriza

Boeing planifikon të zvogëlojë 10% të forcës së saj të punës, duke thënë se pandemia Covid-19 i kishte dhënë asaj një “goditje të rrufeshme”.

Prodhuesi i avionëve në luftë në SHBA punëson 150,000 njerëz në të gjithë botën dhe tashmë ishte nën presion pasi u detyrua të zbriste aeroplanët e tij 737 Max nga qarkullimi pas dy rrëzimeve fatale.

Përhapja e koronavirusit ka çuar në një kolaps në udhëtimin ajror.

Boeing tha se do të shkurtojë 12,000 vende pune ndërsa Airbus e quajti atë “krizën më të rëndë” që industria ka “njohur ndonjëherë”.

Shefi ekzekutiv i Boeing, Dave Calhoun tha në një memorandum për stafin se pandemia është “duke dhënë një goditje të fortë për biznesin tonë” dhe kërkesa për udhëtime ajrore komerciale “ka rënë në humnerë”.

Ai paralajmëroi: “industrisë së aviacionit do i duhen vite për tu rikthyer në nivelet e trafikut që pamë vetëm disa muaj më parë.”

Ndërsa 10% e vendeve të punës do të shkurtohen në kompani, Boeing pranoi se uljet do të ishin më të mëdha në disa departamente, siç është biznesi i saj i linjave komerciale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.