Koronavirusi do të “përmbysë” naftën/ IIF: Pritet të bjerë në një çmim mesatar prej $57 këtë vit

Përhapja e koronavirusit mund të shkurtojë kërkesën për naftë në Kinë dhe shtete të tjera aziatikë, duke sjellur rënie të çmimeve dhe zbehur perspektivën ekonomike në Lindjen e Mesme. Instituti i Financave Ndërkombëtare (IIF) deklaroi se përpara shfaqjes së virusit, nafta pritej në një mesatare prej 60 dollarë për fuçi këtë vit, nga 64 dollarë që ishte në vitin e kaluar.  Ky parashikim pritet të ndryshojë në 57 dollarë dhe do të varet nga kohëzgjatja e epidemisë.

Instituti theksoi se përhapja e virusit do t’i heqë rritjes ekonomike kinze 0.5% – 0.7%.   Kjo do të ketë ndikim kritik tek çmimet e naftës, që prekën në tregtinë e fundit të Javës 57 dollarë.

Nëse rritja ekonomike në Kinë rezulton 5%, kërkesa për naftë mund të bjerë me rreth 400,000 fuçi në ditë, sipas projeksioneve.   Kjo pritet të ndikojë tek perspektiva ekonomike në Lindjen e Mesme,  pavarësisht se ndikimi deri më tani tek eksportuesit e naftës është përmbajtur.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.