Koronavirusi në Shqipëri/ Ministria e Shëndetësisë: Në 50 rastet e testuara nuk ka shenja të COVID-19
Gjatë komunikimit të sotëm për mediat, Ministria e Shëndetësisë dhe Mbrojtjes Sociale, konfirmoi se të 50 rastet e testuara, të dyshuara për virusin e ri COVID-19, kanë rezultuar negative.
Në 24 orët e fundit kanë hyrë rreth 18.030 udhëtarë në territorin e Republikës së Shqipërisë dhe ndërkohë survejanca për kontrollin e temperaturës vazhdon të jetë përforcuar, ka bërë me dije Ministria. Gjithashtu sipas përditësimit të sotëm të Ministrisë në 24 orët e fundit në numrin 127 ka patur 1472 thirrje, nga të cilat 32 prej tyre kanë patur lidhje me infeksione virale respiratore dhe histori udhëtimi me Italinë.
Ministria rekomandon udhëtarët të vet-karantinohen në ambientet e tyre të shtëpisë nëse kanë simptoma të virusit ose kanë qenë në kontakt me persona të infektuar nga virusi i ri. Gjithashtu për çdo rast dyshimi të Koronavirusit ose probleme frymëmarrjeje të gjithë qytetarët duhet të kontaktojnë numrin 127 të vendosur në dispozicion.
Posted by RADIO TELEVIZIONI SCAN on Thursday, March 5, 2020
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.