Korrigjohen pronat bashkëshortore – Verifikim nëpër regjistra kadastralë nëse pasuritë janë në bashkëpronësi

Agjencia Shtetërore e Kadastrës ka nisur një proces voluminon që parashikon korrigjimin e të gjitha të dhënave hipotekore që janë pronë bashkëshortore por rezultojnë në pronësi të njërit prej bashkëshortëve.

Është publikuar tashmë në fletoren zyrtare Urdhri i Agjencisë, i cili ka  për  qëllim  korrigjimin  e regjistrit të pasurive të paluajtshme në rastet kur, pasuria  e  paluajtshme,  ose  pjesa  takuese  e  saj, është    regjistruar    vetëm    në    emër    të    njërit bashkëshort,  ndërkohë  që  përfitues  të  së  drejtës së   pronësisë   janë   të   dy   bashkëshortët,   sipas dispozitave  të  Kodit  të  Familjes  për  bashkësinë ligjore,    apo të    legjislacionit    të    kohës    për bashkëpronësinë mes bashkëshortëve.

Procedurat  e  korrigjimit  sipas  këtij  urdhri iniciohen në një prej mënyrave të mëposhtme:a) me  kërkesën  e  të  interesuarit  për  të  kryer korrigjimin e kartelës së pasurisë; b) gjatë  regjistrimit  të  kontratës  së  kalimit  të pronësisë    mbi    pasurinë,    ose    të    aktit    të trashëgimisë.3. Për  të  korrigjuar  kartelat  e  regjistrit  të pasurive  të  paluajtshme,  drejtoritë  vendore  të ASHK-së konstatojnë  nëse  pasuria  që  figuron  e regjistruar   në   kartelë   është,   ose   jo,   pasuri bashkëshortore.

Konstatimi   i   bashkëpronësisë bëhet duke u mbështetur  në dispozitat e krerëve II,  III  ose  IV,  të  këtij  urdhri,  në  varësi  të  kohës kur është fituar pasuria (dhe të ligjit të kohës).4. Ky urdhër nuk zbatohet për:a) të   korrigjuar   dhe   plotësuar   kartelat   e mëparshme,  në  rastet  kur  me  pasurinë  është kryer transaksion (përveç trashëgimisë);

Kur  pasuria  e  paluajtshme  e  regjistruar  në favor  të  vetëm  njërit  bashkëshort,  në  vijim  u është kaluar në pronësi të tretëve (me përjashtim të kalimit  me  trashëgimi)  dhe  ky  veprim  është regjistruar  më  parë,  drejtoria  nuk  mund  të  kryejë korrigjimin e kartelës se pasurisë objekt kërkese, pa pëlqimin  e  të  tretëve  që  preken  nga  ky  korrigjim.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.