“Korrupsioni, risku më i madh i Shqipërisë” – Kreu i Dhomës Amerikane: Paketë rekomandimesh për Qeverinë, sistem pikësh për politikanët
Korrupsioni mbetet risku më i madh me të cilin përballet ekonomia shqiptare, shkak për të cilin Dhoma Amerikane e Tregtisë do t’i dërgojë Qeverisë një paketë rekomandimesh për luftën ndaj tij. Në një komunikim me mediat, Kreu i Dhomës Amerikane të Tregtisë Enio Jaço tha se rekomandimet do parashikojnë mekanizma më të ashpra në ndjekjen e rasteve të zyrtarëve të përfshirë në korrupsion, ashtu si dhe në transparencën e prokurimeve publike.
Më tej, Jaço bëri publik projektin e Dhomës Amerikane të Tregtisë për aplikimin e sistemit të pikëzimit të politikanëve lidhur me sjelljen e tyre individuale në kuadrin e klimës së biznesit.
Sipas Dhomës Amerikane të Tregtisë ekonomia shqiptare ka rezistuar pozitivisht ndaj problemeve të shkaktuara nga Pandemia Covid 19 duke humbur pak vende pune.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.