Korrupsioni, SHBA dhe BE mesazhe të ashpra – Yuri Kim: Një mal problemesh, presim rezultate. Soreca: Të nisin dënimet e zyrtarëve

Në Konferencën e nivelit te larte antikorrupsion të zhvilluar nga Ministria e Drejtësisë, Ambasadorët e Shteteve të Bashkuara të Amerikës dhe Bashkimit Evropian folën me tone mjaft të ashpra për nivelet e korrupsionit në Shqipëri. Ambasadorja Yuri Kam tha se korrupsioni përbën një mal problemesh në Shqipëri, dhe pavarësisht hapave të bërë, jemi mjaft larg fitores. Ndërsa Ambasadori I Bashkimit Evropian tha se duhen patjetër dënime të formës së prerë ndaj zyrtarëve të lartë.

Kryeministri Edi Rama tha se në themel të çdo beteje kundër korrupsionit qëndron Reforma në Drejtësi, por se ajo, dhe çdo përpjekje tjetër është e destinuar të dështojë nëse nuk dërgohen para drejtësisë gjyqtarët e prokurorët e përfshirë në akte korruptive, qofshin këta të shkarkuar apo ende në detyrë.

Deklaratat e Ambasadorëve dhe Kryeministrit Rama u bënë gjatë prezantimit të rezultateve të raportit të Grupit të Shteteve Kundër Korrupsionit për Shqipërinë.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.