Kosova, taksë miellit të importuar nga Serbia, kërkohet pezullimi i saj nga autoritetet serbe
Ministria e Tregtisë, Turizmit dhe Telekomunikacionit e Serbisë ka reaguar pasi institucionet e Kosovës vendosën taksë në vlerën e 40 eurove për një ton miell, të importuar nga Serbia.
Ministri i Tregtisë së Serbisë, Rasim Lajiç tha sot se Serbia kërkon heqjen e masës mbrojtëse me të cilën vendoset taksa ndaj miellit të importuar.
“Kjo është barrierë klasike doganore me të cilën pengohet ose dhe madje ndalohet importimi i miellit nga Serbia”, ka thënë Lajiç për agjencinë e lajmeve “Beta”.
Ai u shpreh se taksa prej 40 euro është aq sa importimin e miellit nga Serbia e bën të pa kompensuar.
“Nëse kjo masë nuk tërhiqet, do të kërkojmë takim urgjent të Komitetit të përbashkët të CEFTA-s në mënyrë që kjo çështje të vihet në rendin e ditës e njëkohësisht do t’iu drejtohemi edhe trupave përkatës të Komisionit Evropian”, ka thënë Lajiç.
Sipas tij, masa mbrojtëse është vendosur “nën presionin e lobit të mullixhinjve të Kosovës”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.