Kosovë, 5 euro gjobë kush hedh cigare apo çamçakëz në rrugë – Ja masat e plota ndëshkimore
Nga dita e sotme do të nisë zbatimi i udhëzimit administrativ për ndëshkime me gjoba mandatorë, i cili ka për qëllim parandalimin e hedhjes së mbeturinave nëpër rrugë dhe jo në koshat e përcaktuar.
Sipas Klan Kosova, zbatimi do të nisë fillimisht në Prishtinë e më pas do të shtrihet në qytetet e tjera të vendit.
Gjobat fillojnë nga 5 euro për hedhjen e cigares apo çamçakëzit dhe arrijnë deri në 100 euro për individët që hedhin mbeturina në lumenj apo liqene si dhe për djegjen e gomave.
10 euro do të ndëshkohen ata që hedhin në rrugë ambalazhe dhe mbeturina letre, plastike, qelqi, apo çfarëdo ushqimi dhe mbeturine tjetër.
Pronarët e kafshëve që nuk pastrojnë jashtëqitjet e tyre do të ndëshkohen me 20 euro. Me të njëjtën shumë do të gjobiten edhe ata që hedhin mbeturinat jashtë kontejnerëve.
30 euro është shuma që duhet të paguajnë ata që hedhin cigare apo mbeturina të tjera nga makina.
Ndërsa ata që tentojnë të bëjnë kosha nga ballkonet e tyre do të ndëshkohen me 50 euro gjobë.
Ndërsa gjoba prej 70 eurosh u takon atyre që hedhin materialet e ndërtimit jashtë vendeve të përcaktuara nga komunat.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.