Kosovë, Mustafa: Këtë vit do të ketë 25 mijë vende të reja pune
Kryeministri i Kosovës, Isa Mustafa, pret që brenda këtij viti të hapen 25 mijë vende të reja pune, duke ulur kështu normën e papunësisë në normën nën 20 për qind.
I pranishëm në konferencën “Ambienti i Biznesit 2017”, Mustafa shtoi se korrupsioni në Kosovë është perceptim, dhe se do të vazhdojë lufta ndaj kësaj dukurie, raporton Klan Kosova.
“Perceptimi dhe realiteti sa i përket korrupsionit nuk janë në përputhje njëra me tjetrën. Ne korrupsionin do ta luftojmë sado që të është e mundshme”. Brenda dy viteve norma e papunësisë ka rënë nga rreth 35 për qind në 26 për qind. Për dy vjet kemi krijuar mbi 20 mijë vende pune. Po ashtu jam i bindur se papunësia është edhe më e ulët se këto shifra. Këtë vit do të hapim rreth 25 mijë vende të reja të punës. Po ashtu presim që norma e papunësisë të ulet nën 20 për qind”, tha Mustafa.
(er.zi)
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.