Kostot e karantinës së 3-të në Francë / Le Maire: 11 mld euro në muaj, do ndikojë rritjen ekonomike në 2021
Masat e reja të Covid-19 në Francë do të ndikojnë rritjen ekonomike këtë vit, por është ende shumë herët për të vlerësuar përmasën e ndikimit, sipas ministrit të Financave Bruno Le Maire. Presidenti Emmanuel Macron urdhëroi Francën drejt karantinës së tretë kombëtare dhe tha se shkollat do të mbyllen për 3 Javë, ndërkohë që përpiqet të frenojë valën e tretë të infeksioneve që ka kërcënuar të përmbysë spitalet. Franca projektonte një rritje ekonomike prej 6% për këtë vit, por qeveria do të japë një vlerësim të ri në ditët e ardhshme. Le Maire përsëriti se masat e reja të karantinës do të detyrojnë mbylljen e përkohshme të 150,000 bizneseve, me një kosto rpej 11 miliardë euro në muaj.
Banka e Francës deklaroi këtë Javë se nuk pret që masat e reja të karantinës të kenë një ndikim tek projeksionet e bankës prej 5.5% rritje në vitin 2021, duke marrë parasysh se nuk do të zgjasin përtej fillimit të Majit. Franca raportoi mbi 50,000 raste të reja të Covid-19 në 24 orët e fundit dhe 308 vdekje, ndërkohë që numri i njerëzve në njësi të kujdesit intensiv u rrit në 5,109. Pavarësisht se 27 vendet anëtare ranë dakord për një fond të ndihmave nga koronavirusi në Verën e kaluar, qeveritë ndodhen ende në procesin e dorëzimit të planeve të detajuara se si do të shpenzojnë paratë nga fondi.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.