KQZ certifikon zgjedhjet e 25 prillit – Publikohen emrat përfundimtarë të 140 deputetëve, Rama merr mandatin në Durrës

Dy ditë pasi Asambleja Parlamentare e Këshillit të Europës vlerësoi zyrtarisht zgjedhjet parlamentare të 25 prillit në Shqipëri, ka ardhur edhe certifikimi nga Komisioni Qendror i Zgjedhjeve. Këtë të mërkurë, Komisioni Qendror i Zgjedhjeve, përmes një seance publike, miratoi projektvendimet Për shpërndarjen e mandateve midis subjekteve zgjedhore dhe përcaktimin e kandidatëve fitues në zonën zgjedhore në të 12 qarqet e vendit. Emrat e deputetëve sipas zonave dhe përkatësive politike u lexuan nga Kreu i Komisionit Qendror të Zgjedhjeve Ilirjan Celibashi: Partia Socialiste ka marrë 74 mandate, PD-AN ka 59 mandate, LSI ka 4 mandate dhe PSD 3 mandate. Kreu i mazhorancës Edi Rama e mori mandatin në Durrës, ai i Partisë Demokratike Lulzim Bashan ë Tiranë, ndërsa kreu i LSI Monika Kryemadhi në Fier.

Deputetët e sapocertfifikuar do të hyjnë në Kuvend për herë të parë në shtator, pas pushimeve verore.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.