Kreditë e buta për 1 mijë familje, nesër mbledhja e Këshillit Bashkiak! Nënkryetarja e Bashkisë, Paskali paralajmëron shans të ri në tetor
Këshilli Bashkiak i Tiranës pritet të miratojë nesër listën me 1 mijë familje që përfitojnë kredi të buta. Në procesin fillestar ka pasur 2265 aplikime, nga të cilat rreth 1200 janë skualifikuar për mungesë dokumentacioni apo mosplotësim kriteresh. Ndërkohë, rreth 1 mijë kërkesat e tjera do të shqyrtohet nga Këshillit Bashkiak.
Pas miratimit nga Këshillit Bashkiak, përfituesit do të duhet t’i drejtohen bankave të nivelit të dytë. E kjo fazë e procesit, sipas nënkryetares së Bashkisë së Tiranës Brunilda Paskali, mund të krijojë mundësinë për një shans të ri për rihapjen e aplikimeve.
Duke folur në emisionin “Përtëfol” në SCAN me gazetaren Dafina Hysa, Paskali tha se nëse do të ketë një ulje të numrit të qytetarëve që do të shkojnë në bankë për të përfituar kredinë e butë, atëhere ekziston mundësia që në tetor të ketë një rihapje të procesit të aplikimit për ata që s’përfituan nga aplikimi i parë i këtij viti.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.