Kreditë e reja për energjinë: Marrëveshja 50 milionë euro, në Kuvend. Në 3 muaj, 241.5 milionë euro borxh për sektorin
Qeveria shqiptare do të marrë një kredi prej 50 mln euro nga Agjencia Franceze për Zhvillim, në mbështetje të reformës së sektorit elektroenergjetik në vend. Nënshkrimi i marrëeshjes u njoftua para 2 muajsh nga zv.kryeministri Arben Ahmetaj, ndërkohë që tashmë projektligji ka mbërritur në Kuvend për diskutim dhe miratim. Sipas relacionit shoqërues, huaja do të shkojë për konsolidimin e ndarjes së Operatorit të Shpërndarjes së Energjisë Elektrike, funksionimin e Bursës së Energjisë dhe hapjen graduale të tregut të shitjes me pakicë, së bashku me krijimin e një tregu konkurrues të energjisë.
Kjo nuk është kredia e vetme që është marrë në harkun kohor të 3 mujave të fundit për sekrotin elektroenergjetik në vend. Gjatë muajit tetor, ishte Operatori i Shpërndarjes së Energjisë Elektrike që mori një hua prej 70 mln euro nga Banka Evropiane për Rindërtim dhe Zhvillim, që do të shkojë për financimin e projektit për reagimin ndaj krizës së shkaktur nga COVID-19. Gjithashtu, deri më tani OSHEE ka marrë edhe 4 kredi që shkojnë për financimin e kapitalit punues, në kuadër të nevojave për import të energjisë, nga bankat e nivelit të dytë.
Shuma totale këtyre kredive arrin në 81.5 mln euro, teksa qeveria shquiptare ka miratuar një garanci sovrane prej 100 mln euro, çka nuk përjashton mundësine marrjes edhe të kredive të tjera për përballimin e çmimeve të larta me të cilët po blihet energjia nga importi. Nga ana tjetër, në muajin dhjetor të vitit që sapo lamë pas, Këshilli i Ministrave miratoi një marrëveshje kredie prej 40 mln euro, për rehabiltimin e hidorcentralit të Fierzës.
Huaja do të merret nga KfW-ja gjermane, ndërkohë që paralelisht janë mirataur edhe 2 marrëveshje granti prej 10.35 mln euro që gjithashtu do të shkojnë për të njëjtin projekt. Praktikisht, vlera totale e kredive të marra deri më tani për sektroin elektroenergjetik arrin në 241.5 mln euro.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.