Kremlin: Rusia nuk do të ndërpresë furnizimin me gaz në Europë nga e premtja!
Pagesat në rubla që Rusia po këmbëngul për eksportet e saj të gazit do të ndikojnë në shlyerjet që duhet të paguhen në fund të prillit dhe majit dhe Rusia nuk do të ndalojë furnizimet me gaz në Europë të premten, tha zëdhënësi i Kremlinit Dmitry Peskov.
Presidenti Vladimir Putin nënshkroi të enjten një urdhër që përcakton ndryshimin e monedhës, të cilin qeveritë europiane e kanë quajtur një shkelje të papranueshme të kontratës. “A do të thotë kjo se nëse nuk ka konfirmim në rubla, atëherë furnizimet me gaz do të ndërpriten nga 1 prilli? Jo, nuk ndodh dhe nuk rrjedh nga dekreti,” u tha Peskov gazetarëve.
Ai tha se do të ndikojë në pagesat nga gjysma e dytë e prillit dhe Gazprom do të punojë me klientët e tij për të zbatuar rregullat e reja. Peskov tha se Rusia në një moment mund të braktisë urdhrin e rublës nëse kushtet ndryshojnë, por “në kushtet aktuale, rubla janë opsioni më i preferuar dhe më i besueshëm për ne”.
I pyetur për raportet e mediave gjermane mbi mundësinë e shtetëzimit të disa filialeve të Gazprom nga Gjermania, Peskov tha se kjo do të ishte një shkelje serioze e ligjit ndërkombëtar. Ai tha se Rusia ishte dëshmitare e “veprimeve gangsterike” në lidhje me sekuestrimin e pronës së saj. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.