Krerët e FED, BQE mbi pandeminë. Flasin për pasiguri, pavarësisht shpresës së krijuar nga vaksina e Covid-19

Drejtuesit e Rezervës Federale dhe Bankës Qendrore Europiane, kanë mirëpritur rezultatet inkurajuese në provat e vaksinës së koronavirusit, por theksuan se perspektiva ekonomike qëndron e pasigurtë.  Kryetari i Rezervës Federale, Jerome Poëell dhe presidentja e Bankës Qendrore Europiane, Christine Lagarde, thanë se ekonomia do përballet me periudhë të vështirë, edhe pse  zhvillimi i vaksinës nga Pfizer dhe BioNTech jep arsye për optimizëm.  “Nga lumi i madh i pasigurisë, po shohim anën tjetër tashmë. Por nuk duhet të mbigëzohemi, pasi ka ende pasiguri mbi prodhimin apo shpërndarjen e vaksinës”- tha Lagarde në një panel të diskutimit me Jerome poëell dhe guvernatorin e Bankës së Anglisë, Andreë Bailey.   Poëell i mirëpriti komentet e saj duke thënë se rezultati i vaksinës është lajm i mirë, por është ende shumë herët për të vlerëssuar ndikimet në afat-shkurtër.  Ndërkohë që Eurozonë pritet të rikthehet në recesion këtë tremujor, BQE ka deklaruar se do të ofrojë më shumë stimuj në Dhjetor, nëpërmjet programit të blerjes së obligacioneve dhe kredive të lira nga bankat.  Ekonomia e SHBA ka rikuperuar vetëm gjysmën e mbi 22 milionë vende pune të humbura që kur nisën rihapjet e bizneseve.  Rimëkëmbja është mbështetur nga stimuj të jashtëzakonshëm nga Rezerva Federale dhe kësti i parë i rreth 3 trilionë dollarë në ndihma të pandemisë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.