Krerët e kriptovalutave paralajmërojnë SHBA – “Të kenë kujdes me ligjet. Rrezikojnë largimin e aktivitetit jashtë vendit”
Ekzekutivë të lartë nga 6 firma të kriptovalutave thanë përballë Kongresit që të kenë kujdes me vendosjen e rregullave të reja ndaj aktiveve dixhitale, përndryshe rrezikojnë që të bëjnë aktivitetin të jashtëligjshëm, apo ta largojnë nga SHBA. Në një seancë tek Komisioni i Shërbimeve Financiare në Kongres, ekzekutivët që drejtojnë disa nga kompanitë më të mëdha në botë të kriptovalutave, bënë të ditur në një dëshim të parapërgatitur se mbështesin rregulla më të qarta.
Megjithatë, ata theksuan se rregullat tejet kufizuese nuk do ndalojnë aktivitetin, por thjesht do ta largojnë nga SHBA. “Përmes zgjidhjeve të copëzuara ligjore që janë të debatuara haptazi, SHBA rrezikon rregulla të panevojshme dhe të rrezikshme”- tha Alesia Haas, ekzekutive e CoinBase në dëshimnë në Kongres. Sipas saj, kjo do të largojë aktivitetin në bursat jashtë vendit, apo ta kthejë në të jashtëligjshëm. Përfaqësuesja Maxine Ëaters, demokratja që drejton panelin, tha se ekzistojnë disa pikëpyetje mbi nevojën e rregullave të reja për kriptovalutat dhe theksoi shqetësimet mbi përdorimin e madh të energjisë për të prodhuar dhe tregtuar monedhat.
“Tregjet e kriptovalutave nuk kanë një rrjet rregullator të centralizuar, duke i bërë investimet në hapësirën e aktiveve dixhitale të cënuara nga mashtrimet, manipulimet dhe abuzimi. Megjithatë, jo të gjithë ligjvënësit ishin skeptik drejt këtij tregu. Përfaqësuesi Patrick McHenry, republikani i lartë në panel, i bëri thirrje ligjvënësve që të gjejnë një mënyrë për të plotësuar kriptovalutat me mbrojtjte të mjaftueshme. “Ne duhet ta pranojmë, ta kuptojmë dhe të kthehemi në liderët ndërkombëtarë të kësaj hapësire”- tha ai. Rritja e shpejtë e kriptovalutave, në veçanti të “stablecoins”, që janë aktive dixhitale clera të cilave është e fiksuar me valuta tradicionale, ka tërhequr vëmendjen e rregullatorëve, që shqetësohen se mund të vendosin sistemin financiar nën rrezik, nëse nuk monitorohen mirë.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.