Kreshnik Kuçaj: ”Shqiptarët nuk kanë pasur hapësirë të mësohen me paranë”
Sot Banka e Shqipërisë, hapi ceremoninë e ‘Javës së parasë ’, ku slogani ishte ‘Jemi shumë të rinj për të folur me të vjetra!’ dhe nisur nga ky event, gazetari Enio Civici, ia dedikoi këtë puntatë marrëdhënies së shqiptarëve me paranë . Pjesë e panelit, për të folur rreth kësaj teme, ishte gazetari i dossierëve ekonomikë Kreshnik Kuçaj, i cili bëri një pasqyrim më të thellë historik, sesi ka qënë marrëdhënia e shqiptarëve me paranë ndër vite.
‘’Në 1926 u emetua kartëmonedha nga Banka Kombëtare. Shqiptarët kanë pasur historikisht kulturë kursimi, po tendenca ka qenë që paraja të akumulohej dhe rrallëherë të dilte nga shtëpia. Format kur shqiptarët e kanë nxjerrë paranë nga shtëpia, ka qenë pas Luftës së Dytë Botërore me dhunë ose pas viteve ’90 me tendencën e fitimit të shpejtë. Njohuritë financiare janë të ulta, ndaj nuk e shfrytëzojnë këtë potencial, por i mbajnë paratë e tyre në shtëpi.- shprehet ai.
I pyetur rreth fenomenit se përse shqiptarët vazhdojnë të flasin ende me leke të vjetra dhe jo të reja, Kuçaj shprehet se hera e parë që kemi pasur një stabilitet 10 vjecar të parasë nga viti 1954 deri më 1964.
”Gjatë kësaj periudhe, shqiptarët sa ishin mësuar me paranë. Dhe ndryshimi i saj me lekun e ri në vitet 1964-1965 erdhi duke i hequr vetëm një zero. Nga pushteti i kohës nuk iu dha shumë rëndësi dhe rrjedhimisht nuk iu dha rëndësi as nga shqiptarët, ndaj ata vazhduan të flisnin me lekë të reja e lekë të vjetra për inerci.”- shprehet gazetari Kuçaj.
"SHQIPTARËT DHE PARAJA"Të ftuar në studio Irena BEQIRAJ, Spiro BRUMBULLI, Kreshnik KUÇAJ, Fatos ÇOÇOLI.
Posted by RADIO TELEVIZIONI SCAN on Monday, March 25, 2019
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.