Kreu i KLP: Më 19 mars hapet gara për Prokurorin e Përgjithshëm
Më 19 Mars do të hapet gara për Prokurorin e Përgjithshëm, ka njoftuar kryetari i këshillit të Lartë të Prokurorisë, Gent Ibrahimi.
“Ligji na jep tre muaj kohë pas konstituimit të Këshillit të Lartë të Prokurorisë për përgatitjen e rregullores. Në datë 19 mars hapet gara për Prokurorin e Përgjithshëm” deklaroi Ibrahimi.
Pas mbarimit të mandatit të Adriatik Llallës, këtë post e ka drejtuar Arta Marku prej dhjetorit 2017, e zgjedhur vetëm me votat e shumicës qeveritare.
Kur kanë mbetur edhe 7 ditë nga afati për krijimin e strukturës së posaçme antikorrupsion, kreu i KLP bëri thirrje prokurorëve që të aplikojnë për t’u bërë pjesë.
“Deri tani kanë aplikuar 11 prokurore. Në muajin qershor do të kemi Prokurorin e ri të Përgjithshëm, ndërsa do të jetë ngritur edhe SPAK-u”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.