Kreu i PD, Basha njofton tur takimesh në gjithë Shqipërinë: “Fitojmë zgjedhjet dhe rimëkëmbin ekonominë”
Kryetari i Partisë Demokratike, Lulzim Basha një komunikatë zyrtare në praninë e gazetarëve është shprehu mbi nismën e re opozitare për t’i ofruar qytetarëve shqiptarë një plan të ri ekonomik, që do të prezantohet në një tur takimesh në të gjithë Shqipërinë:
“Sfida më e madhe e çdo familje dhe shqiptari sot është kriza ekonomike. Kjo nuk mund të zgjidhet nga ata që kanë varfëruar, zhvatur dhe shkatërruar Shqipërinë në këto 7 vite. Fokusi jonë është tek e ardhmja, tek një ekonomi e fortë dhe një Shqipëri e fortë.
Partia Demokratike dhe Opozita e Bashkuar janë gati të paraqesin platformën ekonomike dhe ta diskutojnë atë kudo.”
Sipas z.Basha, fokusi i Partisë Demokratike në të ardhmen do të jetë tek fitorja e zgjedhjeve dhe ringritja ekonomike e shqiptarëve. Duke përfshirë në platformë të gjithë zërat e qytetarëve dhe shqetësimet e tyre synohet ndërtimi i një ekonomie me bazë të fortë, që është e pamundur të kryhet nga qeveria në pushtet.
Kjo nismë e Partisë Demokratike mund të shihet si një alternativë përkundër planit të ekzekutivit “Shqipëria 2030”, që ka të njëjtin qëllim për të rimëkëmbur ekonominë shqiptare pas dy goditjeve të rënda si ajo nga tërmeti dhe kriza e COVID-19.
Ministria e Financave dhe Ekonomisë në rishikimin që do t’i bëjë buxhetit në qershor pret një ulje të Prodhimit të Brendshëm Bruto nga -2 deri në -5%. Ndërkohë edhe raporti periodik i Bankës Botërore parashikon një thellim të varfërisë nga COVID-19, ndërsa qeveria është shprehur se ka gati mekanizmat për të mbajtur situatën nën kontroll.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.