Kreu i PD-së, Basha në Fier: Ka ende shpresë për rimëkëmbjen e ekonomisë! Më 16 shkurt s’ka fjalime
Kryetari i Partisë Demokratike, Lulzim Basha ftoi qytetarët në qarkun e Fierit t’i bashkohen protestës së 16 shkurtit në Tiranë. Gjatë takimeve me tregtarët dhe qytetarë të ndryshëm, Basha tha se “ka ende shpresë për rimëkëmbjen e ekonomisë së gjithësecilit dhe se plani i Partisë Demokratike e bën të mundur këtë”.
“Me një qeveri që ka një plan ekonomik për të hapur vende pune, vende pune me paga dinjitoze, vende pune me kushte dinjitoze. Ky është prioriteti i Partisë Demokratike, ky është prioriteti i grupit tonë parlamentar, ky është prioriteti ynë. Kjo është plotësisht e mundur “ u shpreh Basha. Ndërsa prezantoi plattformën ekonomike dhe masat e propozuara nga forca e tij, Basha u bëri ftesë qytetarëve që t’i bashkohen protestës së 16 shkurtit ku “nuk do të ketë fjalime” dhe ku sipas kreut të opozitës do ta hapet rruga “për një zgjidhje politike”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.