Kreu i Tatimeve, Vjero: Pas tregtisë e farmaceutikës, projekt për informalitetin te artistët! Industria është jashtë sektorit tatimor
Drejtoria e Tatimeve pritet të ndërmarrë një fushatë për të formalizuar industrinë krijuese në vend duke nisur gjithashtu një projekt pilot që synon të nxisë vetëdeklarimin e artistëve. Edhe pse ishte njoftuar më herët me një thirrje publike të Drejtorisë së Përgjithshme të Tatimeve, drejtuesja Vasilika Vjero tha në tryezën me Dhomën Amerikane të Tregtisë tha se aktiviteti i artistëve vijon të mbetet jashtë sektorit tatimor.
Duke evidentuar se ka pasur debate për kontrollet e zhvilluara në ambientet ku zhvillohen aktivitetet artistike, Vjero tha se do të ketë një vëmendje në rritje ndaj kësaj industrie që gjeneron të ardhura e punësim të konsiderueshëm por që operon në informalitet të plotë. Vjero tha gjithashtu se Drejtoria e Përgjithshme e Tatimeve ka filluar dy projekte pilot në kuadër të strategjisë sektoriale, me tregtinë dhe shërbimet farmaceutike duke pasur në fokus jo penalizimin por nxitjen e përmbushjes vullnetare të detyrimeve që rrjedhin nga ligjet tatimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.