Krijimi i strukturave të reja – Nikolla: Do të punësohen 200 të rinj nga 3 mijë të angazhuar gjatë këtij viti

Ministria e Arsimit Sportit dhe Rinisë  do të ketë struktura të reja plotësisht të ndryshme nga ato të  mëparshmet ku do të krijohet edhe drejtoria e programeve të zhvillimit të rinisë. Gjatë një dëgjese pranë komisionit të çështjeve sociale dhe shëndetësisë ministria Lindita Nikolla u shpreh se do vijojë puna për programin e punësimit të të rinjve.

Nikolla theksoi se do të punësohen 200 të rinj nga 3 mijë të angazhuar gjatë këtij viti me praktika në tregun e punës.

Por nuk mungoi debati lidhur me krijimin e strukturave të reja sipas kryetarit të komisionit për Punën, Çështjet Sociale dhe Shëndetësinë Petrit Vasili duhet të ishte përfunduar

Sa i takon miratimit të akteve nënligjore Nikolla theksoi se brenda 100 ditëve do të përfundojnë ato për ligjin e vullnetarizmit, si dhe do të  ketë angazhim për përfundimin e akteve  të tjera nënligjore.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.