Krijohet Komsioni i Ankimit për turizmin – Pranë Agjencisë Kombëtare të Bregdetit ngrihet strukturë për shqyrtimin e ankesave
Vendimet e Agjencisë Kombëtare të Bregdetit do të mund të ankimohen nga operatorët turistikë. Përmes disa ndryshimeve në rregulloren e funksionimit të kësaj Agjencia. Këshilli I Ministrave ka vendosur që pranë saj të ngrihet edhe Komisioni i Ankimit të AKB-së.
Komisioni do të kryesohet nga drejtori i përgjithshëm dhe, si rregull,
ka në përbërje të tij katër anëtarë si më poshtë:
- a) drejtuesin e njësisë përgjegjëse për performancën dhe menaxhimin e integruar të zonave bregdetare;
- b) drejtuesin e njësisë përgjegjëse për sigurimin e zhvillimit të qëndrueshëm të turizmit të zonave bregdetare;
- c) drejtuesin e njësisë përgjegjëse për shërbimet mbështetëse;
ç) nëpunësin përgjegjës për çështjet juridike/ligjore të agjencisë, në cilësinë e sekretarit të Komisionit të Ankimit të AKB-së.
Në mungesë të anëtarëve të komisionit , për shkak të mosplotësimit të pozicionit të punës, drejtori i përgjithshëm cakton zëvendësuesin e njësisë përgjegjëse respektive, deri në plotësimin e vendit vakant.
Ndërkaq Vendimi i Këshillit të Ministrave përcakton se Mënyra e organizimit dhe e funksionimit të Komisionit të Ankimit të AKB-së përcaktohet me urdhër të drejtorit të përgjithshëm të AKB-së.”
Agjencia Kombëtare e Bregdetit është krijuar që në vitin 2014 dhe ka objekte kryesore të veprimtarisë mbrojtjen dhe zhvillimin e qëndrueshëm të zonës bregdetare; zbatimin e politikave dhe strategjive, për menaxhimin e integruar të zonës bregdetare; bashkërendimin e programeve të lidhura në këtë zonë; si dhe nxitja e mbikëqyrjen e investimeve në këto zona.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.