Krijohet “Task Forca” pro shëndetit – Rama: Të mbajmë maskat për të shmangur karantinën. Manastirliu: Na presin 3 muaj të vështirë
Kryeministri Edi Rama dhe Ministrja e Shëndetësisë Ogerta Manastirliu kanë prezantuar të martën një njësi të re, e përbërë nga një rrjet inspektorësh, që do të monitorojnë mbajtjen e maskave dhe zbatimin masave anti-covid në terren por edhe në ambientet brenda, e emërtuar “Task Forca” pro shëndetit. Rama e argumentoi ngritjen e kësaj njësie si një masë e domosdoshme për të shmangur mbingarkimin e spitale dhe veçanërisht një karantinë të dytë, e cila do të kishte pasoja shkatërruese për ekonominë e qytetarët.
Ministrja e Shëndetësisë Ogerta Manastirliu tha se përpara kemi tre muaj të vështirë, dhe se mbajtja e maskës dhe respektimi i masave mbrojtëse është e vetmja rrugë për të shmangur rrezikun e pandemisë.
Kjo task forcë nuk do ketë tagrin e vendosjes së gjobave, por do të ketë rol këshillues dhe monitorues, si dhe të njoftojë policinë në rastet kur ka shkelje të protokolleve.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.