Krimi ekonomik – “Vjeshtë 2017”, sekuestrohen 1 makinë, dy armë zjarri dhe celularë
Bie fluksi i sekuestrimeve nga kontrollet e ushtruara prej Specialistëve kundër Krimit Ekonomik dhe Financiar, në kuadër të operacionit “Vjeshtë 2017”.
Gjatë kësaj jave nga operacioni për goditjen e krimit ekonomik janë vënë në sekuestro një makinë e tipit Porche, 2 armë zjarri dhe disa telefona celularë.
Ditën e martë Efektivet e Drejtorisë Vendore të Policisë në qytetin e Durrësit në bashkëpunim me specialistët për Krimet në Komisariatin e Policisë të këtij qyteti kanë arrestuar në flagrancë dy shtetas.
Ndërkohë Specialistët kundër Krimit Ekonomik dhe Financiar sërish në Durrës vetëm pak ditë më vonë godasin një tjetër rast informaliteti duke sekuestruar telefona celularë dhe bizhuteri të ndryshme.
Ndërkohë mësohet së janë proceduar penalisht pesë shtetas të cilët tregtonin bizhuteri të ndryshme pa dokumentacion përkatës.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.