Kriza e energjisë, përplasje në Kuvend – Basha: Nuk prek Shqipërinë, e sajuat ju. Rama: PD futi në gropë sistemin energjetik
Kriza energjetike është kthyer në subject replikash në Kuvend mes Kryeministrit Edi Rama dhe liderit të opozitës Lulzim Basha. Ky I fundit, në seancën parlamentare ngriti një sërë akuzash mbi korrupsionin që ka ngërthyer ekonominë, te dështimi për çeljen e negociatave, te manipulimi I numrit real të viktimave nga Pandemia, deri te kriza energjitike. Sipas Bashës, efektet e krizës energjitike ndërkombëtare në Shqipëri janë sajuar nga Rama për të mbuluar dështimet e Qeverisë e për të përligjur koncesionet korruptive.
Rama nga ana e tij ka akuzuar Partinë Demokratike për gjendjen e sotme të sistemit energjetik në Shqipëri, për të garantuar se Qeveria do t’u dalë në krah Shqiptarëve për të përballuar krizën.
Vaksinimi i popullsisë, integrimi në Bashkimin Europian dhe korrupsioni kanë qënë temat më të debatuara, gjatë seancës të së enjtes.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.