Krizë ose jo! Kafenetë po mbijnë si kërpudhat, arsyeja pse grekët po hapin shkolla për baristë

Greqia ka fituar tri herë çmimin “Për kafen më të mirë”, ndërsa 10 vitet e fundit emrat e baristëve grekë gjithnjë po shfaqen në top listat e baristëve më të mirë.

Përkundër krizës ekonomike, baret greke, çdo ditë po shfaqen si kërpudha në të gjithë qytetet e mëdha.

“Vetëm në qendër të Athinës, nuk mund të llogaritet numri i kafeve dhe bareve të reja që hapen, duke i vërejtur ato në bazë javore”, shkruan GreekReporter.com.

“Është gjithashtu e sigurt të thuhet, se për çdo biznes që mbyllet nën barrën e rëndë të recesionit, një dyqan kafeje do të hapet në vendin e vet. Për më tepër, shumë prej këtyre pronarëve kanë investuar duke i kthyer në ambiente tërheqëse dhe moderne”.

Portali grek GreekReporter.com shkon me tej duke ngritur pyetjen: Por a kanë grekët para për të dalë dhe t’i shpenzuar në kafene, kur një në katër është i papunë dhe një nga dy i detyrohet shtetit dhe tjetri borxhe në një bankë?

“Epo, ata nuk mund të kenë para’, por sigurisht që kanë kohë”.

“Unë mund të jem student i papunë, por kam 3 euro në xhepin tim për të marrë një kafe dhe kaloj dy apo tre orë në kafene”, tregon Giorgos T., 23 vjeç, student i filozofisë në Universitetin e Athinës.

Pra, marrja e 3 eurove nga Giorgos dhe paratë e xhepit nga disa dhjetëra të tjerë si ai çdo ditë është një arsye e mirë për një sipërmarrës për të hapur një kafene apo bar.

Dhe në të njëjtën kohë, për njerëzit në moshën Giorgos duke u bërë një barist, siguron një punë që ka të ardhme.

Një shkollë për baristë –  Kafeja si art

Një pronar kafeje në qendër të Athinës tregon se ndërsa në të kaluarën kishte një kamarier që shërbente kafenë, dhe një person nga ana tjetër e banakut që thjesht mbushte filxhanin, sot baristi ka rol kryesor, pasi të bërit mirë një kafe është art më vete.

Disa shkolla për kuzhinier tani në Greqi kanë edhe departamente për baristat, ku grekët e rinj shkojnë për të mësuar artin e prodhimit të kafesë. Gjithashtu shfaqen akademi që mësojnë artin e pjekjes dhe përgatitjen e një kafeje të mirë. Në të njëjtën kohë, kafenetë dhe baret kërkojnë barista të trajnuar për shkak se ata i shtojnë prestigjin biznesit të tyre.

Tashmë pronarët janë të gatshëm të paguajnë më shumë për një barist që nuk “bën thjesht një kafe”, por ka shumë cilësi të tjera.

Një barist i mirë duhet të ketë njohuri të mira për kafet dhe pije e kombinuara me të, aftësi të mira të komunikimit verbal, të përqendrohet tek klienti, të ofrojë shërbim të mirë, të ndjekë rregullat e sigurisë dhe higjienës, të ketë aftësi të mira sociale, aftësitë e shitjes, dhe natyrisht, duhet të punojnë me shpejtësi dhe efikasitet.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.