Kroacia pa kamarierë e punëtorë – Bizneset propozojnë “importin” të huajve
Sipas të dhënave të publikuar së fundmi, sektorit të turizmit në Kroaci i mungojnë rreth 2700 punëtorë, pavarësisht faktit se 171 mijë njerëz janë të papunë. Shifra të tilla vijnë edhe nga industria e ndërtimit dhe shërbejnë si një kujtesë se vendi duhet të gjejë një zgjidhje për problemin e mangësive në forcat e punës.
Për ta zgjidhur këtë proble, Dhoma kroate e Ekonomisë a propozuar futjen e një modeli më fleksibël për të caktuar kuotat e punëtorëve të huaj, të cilat do t’i lejonin punëdhënësit të punësonin sasinë e duhur të të huajve. Konkretisht kërkohet miratimi i lejes së punës për të huaj në sektorët ku nuk ka forcë pune të gatshme në tregun kroat.
Për të argumentuar implementimin e të ashtuquajturit modelit slloven, presidenti i Dhomës së Tregtisë Luka Burilovic dha si shembull turizimin, një nga degët më të rëndësishme të ekonomisë që përbën 1/5 e PBB dhe punëson 6-7% të të gjithë të punësuarve në Kroaci.
Kjo industri ka patur një rritje të ndjeshme në netë të shpenzuara në strukturat akomoduese të vendit dhe të të ardhurave nga turizmi. Besohet se trende edhe më të favorshme do të ndjekin, e kjo mungesë në krahun e punës mundet vetëm ta dëmtojë zhvillimin.
Propozimet e Dhomës së Tregtisë kanë të bëjnë me nënshkrimin e marrëveshjeve bilaterale me vendet fqinje për të lehtësuar punësimin e të huajve, lejimin me ligj që të miturit të mund të punojnë edhe pas orës 20:00, si edhe lejimin e punës për pensionistët pa humbur të drejtat e pensionit.
Problemi shfaqet edhe në ndërtim, një sektor që kërkon ndërhyrje të menjëhershme.
“Në vijmë para faktit se ka projekte, ka fonde të siguruar për financimin, por ka një problem me gjetjen e kontraktorëve të përshtatshëm. Sipas përllogaritjeve ky sektor ka mangësi në 2000 vende pune të profileve të ndryshme. Ne planifikojmë projekte të mëdha në infrastrukturë, me një pjesë të mirë të financimit nga BE, por për shkak të mungesave në punëtorë, sektori po bëhet gjithmonë e më pak konkurrues”, thotë Burilovic.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.