Krociera më e madhe në botë do të ketë një suita dykatëshe, rrëshqitëse dhe kinema
Anija më e madhe në botë do të hapet për publikun në prill të 2018 dhe do të tërheqë shumë familje drejt saj.
“Simfonia e deteve” do të quhet anija dhe do të ofrojë suita dykatëshe për familje, të cilat do të jenë të kompletuara me rrëshqitëse nga dhoma e gjumit deri në dhomën e ndenjes, shoqëruar nga një mur me LEGO.
Të ftuarit do të jenë të lirë të zgjedhin mes dy rrëshqitëseve që do të gjenden në anije e gjithashtu mund të bëhen pjesë e lojërave me lazer.
Kjo anije ka një hapësirë të dedikuar argëtimit, e cila përfshin tavolinën e hokejt, dhe një kinema me makineri e kokoshkash dhe video lojëra të ndryshme.
Në ballkonin me një sipërfaqe 212 metra katrorë ndodhet një mur ku mysafirët mund të provojnë eksperiencën e ngjitjes në të, me pamje nga oqeani, ndërsa stafi do të jetë aty për t’i ndihmuar që të bëjnë shumë më tepër në qëndrimin e tyre.
Anija mund të mbajë deri në 5500 pasagjerë duke u ofruar gjithë komoditetet e nevojshme nisur nga zona e parkut që mban deri në 12.000 bimë tropikale përgjatë dyqaneve dhe restoranteve.
Kjo anije do të zëvendësojë “Harmoninë e deteve”, anijen që kryesonte si më e madhja, madje do të ketë 26 dhoma më tepër se anija paraardhëse
“Simfonia e deteve” do ta nisë rrugëtimin e saj që nga Mesdheu për të mbërritur në nëntor në Majemi e më pas në Karaibe.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.