Kruja “drejt shembjes” – 72 milionë lekë për prishjen e objekteve të dëmtuara nga tërmeti
Bashkia Krujë ka shpallur një tender me fond 72.3 milionë lekë, për shembjen e objekteve të dëmtuara nga tërmeti i datës 26 nëntor.
“Brenda këtij procesi pune do të përfshihen të gjitha proceset e punës së domosdoshme për prishjen e strukturave shumëkatëshe, duke filluar nga rrethimi i shesheve respektive, sigurimi i shesheve, masat e sigurimit teknik, skelaritë e nevojshme dhe procesi i prishjes sipas përcaktimeve në preventive, duke filluar nga strukturat e mbulesës (soletat), prishjet e strukturave të betonit e beton armesë, prerjet e hekurave që pengojnë ngarkimin në mjet, prishjen e themeleve, copëtimin e materialit për tab ere të përshtatshëm për ngarkim në mjet” shkruhet në detajet bashkangjitur tenderit.
Sipas dokumentacionit, afati kohor për shembjen e objekteve të dëmtuara është 12 muaj, që nga nënshkrimi i kontratës me subjektin fitues.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.