Krye ekonomisti i ri i BQE-së – Ministrat e Eurozonës zgjedhin më 11 shkurt pasardhësin e Praet
Banka Qendrore e Eurozonës së shpejti do të ketë një krye ekonomist të ri. Ministrat e Financave të Eurozonës do të zgjedhin pasardhësin e shefit aktual të ekonomistëve, Peter Praet, në takimin e tyre më 11 shkurt.
Lajmin e ka bërë të ditur zëdhënësi i Presidentit të Eurogrupit, Luis Rego, sipas të cilit vendet e Eurozonës do të mund të paraqesin kandidaturat e tyre nga data 21 janar për postin e Praet.
Ministrat nga 19 vendet që përdorin euron do të zgjedhin midis kandidatëve me një shumicë të thjeshtë votash.
Kandidatura më pas do të shkojë në një seancë në Parlamentin Europian dhe më pas do të emërohet zyrtarisht nga krerët e BE-së në një samit që do të mbahet në 21-22 mars, i përzgjedhur me një shumicë votash të cilësuar.
Ndërkohë, ende nuk është paraqitur asnjë kandidaturë e mundshme që pritet të zëvendësojë shefin aktual të ekonomistëve të BQE-së, Praet.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.