Kryebashkiaku Erion Veliaj shpjegon në “Argument”: Kush janë kontributorët e mëdhenj në “bumin” e ndërtimeve në Tiranë
Numri i lejeve të ndërtimit në vend ka regjistruar një tjetër rritje në tremujorin e dytë të këtij viti. Sipas të dhënave nga Instituti i Statistikave, numri total i lejeve të ndërtimit të miratuara në të gjithë vendin arriti në 197, nga 101 leje në tremujorin e parë.
Ndërkohë, krahasuar me të njëjtin tremujor të një viti më parë, numri i lejeve është dyfishuar. Qarku me numrin më të lartë të ndërtimeve të reja në tremujorin e dytë të këtij viti ishte Tirana me 59 leje. Duke folur për emisionit “Argument” të gazetarit Enio Civici, kryetari i Bashkisë së Tiranës shpjegoi se çfarë ka ndodhur me lejet e ndërtimit në Tiranë.
Duke iu referuar raportit të INSTAT të pa ditëve më parë, Veliaj tha se mënyra sesi INSTAT i mat është nga taksat e ndërtimit”. E në fakt, sipas Veliajt, taksapaguesit më të mëdhenj në sektorin e ndërtimit janë projektet publike si Bulevardi i ri, stadiumi “Qemal Stafa”, sheshi Skënderbej e veprat e tjera publike si shkollat.
“Kontribuesit më të mëdhenj në këtë bum janë ndërtimet publike edhe shkollat. Pjesa më e madhe e lejeve janë për punët publike” tha Veliaj. E sa i përket lejeve për pallate, kryebashkiaku i Tiranës sqaroi se bëhet fjalë për më pak se 10 leje të tilla.
Por kryebashkiaku evidentoi nevojën që ka Tirana për të shtuar strukturat akomoduese si rrjedhojë e presionit që ka për të ardhur në kryeqytet.
Fluksi i ardhjeve në Tiranë, sipas Veliajt, mund të sjellë një shtim të kërkesës për banim e në kushtet e pamundësive akomoduese, kjo mund të reflektohet në shtrenjtim të çmimit të apartamenteve, si për blerje ashtu edhe për qira. Po ashtu, Veliaj pranoi faktin se ka kërkesa për ndërtime hotelesh në Tiranë, sidomos në zonën e Bulevardit.
“Sot kemi 2500-3000 turistë në ditë në Tiranë. Vetëm në vit, 1 milion turistë, që vazhdojnë në plazh etj. po në Tiranë kalojnë. Sot ka kërkesa për hotele shtesë. Sot jemi full dhe nuk e mbulojmë. Nëse ne nuk japim leje për hotele, do rriten në stratosferë çmimet. Ne nuk jemi në garë vetëm me fqinjët tanë por kemi garë edhe me qytetet tonë. Jam në garë të shëndetshme me Durrësin, Shkodrën, Korçën apo Gjirokastrën. Në këtë sens unë jam në një garë konstante me kolegët fqinjë, brenda e jashtë kufinjve. Dhe në këtë sens, jemi ende mbrapa me fuqinë që kanë qytetet e tjera”tha Veliaj.
Intervista e plotë video:
Erion Veliaj në "Argument" nga Enio Civici
Erion Veliaj është i ftuar sonte në emisionin "Argument" nga Enio CiviciKryebashkiaku do të flasë për lejet e ndërtimit, si do të ndryshojnë taksat e bashkisë, Tirana Economic Free Zone, marrëdhënien me Këshillin Bashkiak, tregjet me kilometër 0
Posted by RADIO TELEVIZIONI SCAN on Wednesday, October 4, 2017
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.